Sónata er ævintýraópera fyrir börn eftir Hjálmar H. Ragnarsson og Messíönu Tómasdóttur, sem að var frumsýnd í Gamla bíói árið 1994. Nú glæðir sviðslistahópurinn Magga, Dísa og Sigga verkið nýju lífi og hefur þróað það áfram í samsköpun. Markmiðið er að kynna óperuformið fyrir börnum og á sama tíma að veita verkinu nýjar víddir með því að fá til liðs við okkur listamenn framarlega á sviði vídjóverka, leik- og gjörningalista. Þannig hefur hópurinn skapað heildstæðan tónlistarævintýraheim fyrir börn, með lífrænum kjarna í tölvuveröld.Söguþráðurinn er nokkuð hefðbundinn ævintýrasöguþráður þar sem óttinn er á endanum aðal óvinurinn. Sögupersónurnar eru af ýmsum gerðum og hver þeirra talar sitt eigið sérstaka tungumál. Allt er þetta síðan fært upp á nýtt plan með tónlist Hjálmars þar sem hver persóna er dýpkuð með sinni eigin tónlist. Tvö hljóðfæri, semball og þverflauta, og þrjár raddir eru notaðar á margvíslegan hátt til að skapa heiminn og karakterana.Þeir sem standa að sýningunni er listafólk sem hefur nýlokið listnámi eða er langt komið og langar að nýta hugmyndaauðgi sína og orku í að vinna með samtímatónlist og sviðslistaverk sem er jafnframt fallegt, aðgengilegt og tekur möguleikum tækninnar opnum örmum.Sýningin tekur um 40 mínútur í flutningi og er hugsuð fyrir börn á aldrinum 3ára - 8ára.Frítt inn - en vinsamlegast pantið miða hérATH! Aðeins þessi eina sýning á Óperudögum í Reykjavík.

Ung kona gengur inn á skrifstofu með áætlun og viljann að vopni. Hún stefnir hátt og vill hjálpa sínu samfélagi en þarf fyrst að sannfæra bjúrókrata með kaffifíkn um að veita sér styrk.Hversu langt er hún tilbúin að ganga til að fylgja þeirra reglum?Kornið er glæný kammerópera eftir Birgit Djupedal við texta eftir Ingunni Láru Kristjánsdóttur.  

Hildigunnur Einarsdóttir mezzósópran og Guðrún Dalía Salómonsdóttir píanóleikari flytja ljóðaflokkinn Svartálfadans eftir Jón Ásgeirsson við ljóð Stefáns Harðar Grímssonar, ásamt nokkrum af þekktustu perlum tónskáldsins sem fagnar níræðisafmæli sínu í októbermánuði. Gunnar Þorsteinsson, þýðandi og þulur, les ljóðin úr Svartálfadansi milli laga. Miðasala hér

Miðasala fer fram á Tix.isIn the Darkness, Everything Went All Black fer fram í myrkri, ef til vill í annarri veröld. Einhver eða eitthvað er að fela sig í myrkrinu en þar er einnig annars konar líf. Tvær manneskjur eru í örvæntingu að reyna að komast úr kringumstæðum sem þeim var komið í og leita leiðar aftur í frelsið og ljósið. In the Dark, Everything Went All Black er óperuupplifun sem leitast við að ná sömu skynjun og þeir sem blindir eru. Hlustum við betur þegar við sjáum ekki? Hvernig upplifum við hljóð í myrkri? Óperan er skrifuð fyrir tvo söngvara og raftónlistarmann og fer fram á ensku. In the Darkness, Everything Went All Black er samvinna milli Operation Opera og Teatr Weimar. Hugmyndavinna: Hedvig Jalhed, Mattias Rylander, Jörgen Dahlqvist, Kent Olofsson, and Agnes Wästfelt Texti: Jörgen Dahlqvist Tónlist: Kent Olofsson Sviðsmynd: Mattias Rylander Fram koma: Hedvig Jalhed, sópran Agnes Wästfelt, sópran Kent Olofsson, raftónlistarmaður

Sam og Dinah eru fyrirmyndarhjón sem búa í hinni fullkomnu úthverfaparadís. Undir fægðu yfirborðinu leynist þó veruleiki sem er á skjön við markaðsvædda ímyndina. Við fylgjumst með einum degi í lífi þeirra og tvísýnni atburðarás um framtíð hjónabandsins. Verkið er háðsádeiluverk sem endurspeglar poppmenningu 6. áratugarins í Bandaríkjunum og afhjúpar tálsýn ameríska draumins, heim samanburðar og neyslukapphlaups á kostnað ástarinnar.Trouble in Tahiti verður nú sett upp í fyrsta sinn á Íslandi en tónskáldið Leonard Bernstein hefði orðið 100 ára á árinu. Óperan er aðeins tæp klukkustund að lengd og verður flutt á ensku. Miðasala hér

Í DUST segja fimm heillandi brúður í fullri stærð, glóandi sópransöngkona og skuggaleg vera söguna af heimi sem hefur verið leikinn grátt. Nútímasönglagaflokkur sem túlkaður er á dramatískan hátt, dregur fram mynd af því hve litla von er að finna á jörðinni eftir óhjákvæmilegar loftslagshamfarir á heimsvísu í þessari seiðandi og hrífandi brúðudystópíu. DUST er nýr tónleikur þar sem saman koma fullorðinsbrúðuhönnun og óperusöngur á sviði; fantasía sem býður áhorfandanum inn í mögulega framtíð þar sem siðmenningin og mannkynið hafa fallið fyrir eigin græðgi og þrám. Verkið leitar svara um það hvaða von er að finna um nýtt upphaf eftir að yfirvofandi umhverfishamfarir jarðar okkar hafa skollið á. Í þessum myrka heimi leika tvær persónur, Tunglið (söngkona) og Skugginn (brúðuleikari) leik með brúðunum sem lokatækifæri til þess að muna og til þess að sameinast. Þau hafa nefnilega orðið vitni af hörmungum mannkynsins. Við kynnumst hermanninum, blindu móðurinni, gleðikonunni og ruslakarlinum. Brúðurnar eru úr sílíkoni með raunverulega húð og andlit og eru útkoma margra ára ferlis þess að koma brúðuleik inn í nútímaleikhús fyrir fullorðna. Verkið var frumsýnt í Helsingore í Danmörku í mars 2016 við frábærar móttökur. Síðan þá hefur verkið verið sýnt víðar á Norðurlöndum, í Grikklandi og í Japan. DUST var skapað með það að leiðarljósi að listin getur farið með mikilvægt hlutverk í því að vekja fólk til umhugsunar um framtíð plánetunnar okkar.Miðasala hér

Free Play er tilraunakennt verk á mörkum sviðslista og myndlistar þar sem óperan La Traviata eftir Verdi er brotin upp og túlkuð með nálgun raftónlistar. Tónlistarmaðurinn Sveinbjörn Thorarenssen, einnig þekktur sem Hermigervill, skapar hljóðheim verksins í samstarfi við sópransöngkonuna Hrafnhildi Árnadóttur Hafstað. Titillinn er tilvitnun í aríuna Sempre libera eða Ávallt frjáls þar sem aðalpersóna verksins, Violetta, syngur um löngun sína til að lifa frjáls og áhyggjulaus. Orðin Free Play koma einnig fyrir á miðju bingóspjaldanna sem spilað er á í Vinabæ en bingósalurinn veitti sérstakan innblástur við sköpun verksins.Free Play var þróað á þessu ári og frumsýnt í lok maí í bingósal Vinabæjar í Skipholti með stuðningi listamannalauna Rannís.Ókeypis aðgangur á meðan húsrúm leyfir. Hrafnhildur Árnadóttir / Hrafnhildur Gissurardóttir / Borghildur Indriðadóttir / Petra Valdimarsdóttir / Sveinbjörn Thorarensen, Hermigervill / Saga Sigurðardóttir / Þórunn María Jónsdóttir / Valgerður Árnadóttir / Ástrós Erla Benediktsdóttir / hah-editionsFree Play // Instagram

Óperuhlustun aðlöguð að þörfum fólks með Alzheimer og aðra heilabilunarsjúkdóma.Tónlistarhlustunin tekur um 50 – 60 mínútur. Tónskáld, söguþráður og persónur viðkomandi óperu verða kynntar. Tóndæmi úr tilsettum óperum verða spiluð og í samhengi við hlustun er sagt frá söguþræði. Að hlustun lokinni er öllum velkomið að þiggja kaffi, te og konfekt og eiga góða stund saman í notalegu umhverfi.Skráning fer fram með því að senda skilaboð á hljomursalar@gmail.com eða í síma 846 2129

ÓKEYPIS AÐGANGUR - PANTIÐ SÆTI!Plastóperan er glæný ópera fyrir börn og foreldra eftir Gísla Jóhann Grétarsson og Árna Kristjánsson. Hún fjallar um feðginin, Kristin og Eldeyju, sem eyða deginum saman heima hjá sér á starfsdegi í skólanum. Draumar Eldeyjar um að geta leikið við pabba sinn verða að engu þegar kemur í ljós að Kristinn þarf að skrifa skýrslu fyrir hundleiðinlegt plastfyrirtæki. Eldey vill ná til pabba síns en það reynist erfitt þegar hann er í álögum þessa plastskrímslis.Tvær sýningar verða þann 21. október í Safnahúsinu við Hverfisgötu, kl 14:00 og kl 16:00.Aðgangur er ókeypis en tryggið ykkur pláss með því að taka frá miða með því að ýta á þennan hlekk og skrá ykkur: https://goo.gl/forms/n0rcDJT8YLKBKdkB2Sjáumst!Plastóperan er styrkt af Tónskáldasjóði RÚV og Tónlistarsjóði

Þegar gengið er inn í Voiceland stígur maður inn í landslag sem er einungis myndað með röddum. 17 söngvarar leiða hlustandann í gegnum þetta rýmisverk en innblástur er sóttur frá hefðbundinni raddnotkun (söng, tali, hvísli) og hversdagslegum hljóðum.Í verkinu, sem er 60 mínútur að lengd, er hlustandinn frjáls í rýminu og getur fært sig á milli staða mitt á meðal flytjendanna. Þetta gefur honum möguleika á að skapa sína eigin upplifun af verkinu. Ferðin í gegnum VOICELAND er einungis leidd áfram af forvitni og áhuga hvers áheyrenda.VOICELAND er hannað á hverjum stað út frá sýningarrýminu. Þetta gefur hverri uppsetningu af verkinu nýja mynd og að þessu sinni er hún í Gömlu kartöflugeymslunum í Ártúnsbrekku, Reykjavík.Aðgangur er ókeypis en vinsamlegast pantið miða hér

Í samstarfi við Óperudaga í Reykjavík fær Barokkbandið Brák til liðs við sig söngkonurnar Guju Sandholt og Hrafnhildi Árnadóttur Hafstað til að færa ykkur sannkallaða Händel-veislu. Þær Guja og Hrafnhildur munu ásamt Brák flytja vel valdar aríur eftir Georg Friedrich Händel ásamt hljóðfæratónlist efitir Händel og samtímamenn hans þá Vivaldi, Sammartini og Galuppi. Tónleikagestum verður boðið í ferðalag þar sem ástir og örlög taka völdin og tónarnir kitla taugaendana líkt og Brák einni er lagið.Barokkbandið Brák hefur stimplað sig inn í íslenskt tónlistarlíf síðustu misseri með líflegum upprunaflutningi sínum og fjölbreyttu verkefnavali en bandið er skipað hópi hljóðfæraleikara sem hefur sérhæft sig að hluta til í upprunaspilamennsku í námi erlendis og vill nýta þessa þekkingu sína til tónleikahalds og verkefna á Íslandi. Elfa Rún Kristinsdóttir er listrænn stjórnandi og leiðari bandsins en hún er margverðlaunaður fiðluleikari og hefur komið fram á tónleikasviðum um heim allan ýmist sem einleikari, konsertmeistari eða kammermúsíkspilari. Barokkbandið Brák hefur verið starfrækt frá árinu 2014 en bandið var stofnað af fiðluleikurunum Elfu Rún Kristinsdóttur, Laufeyju Jensdóttur og Guðbjörgu Hlín Guðmundsdóttur. Brák hefur fengið afar góðar viðtökur á tónleikum sínum hvarvetna og gagnrýnandi morgunblaðsins lýsti upplifun sinni nýlega á þessa leið: "Hvert einasta atriði á tónleikunum var magnað.... Það mætti vera oftar eitthvað í þessum dúr á barokktónleikum á Íslandi."

Í samstarfi við OMNOM Chocolate:Sjónvarpskokkurinn frægi, Julia Child, kennir áhorfendum að baka franska súkkulaðiköku. Guja Sandholt fer með hlutverk Frú Child og Matthildur Anna Gísladóttir leikur með á píanó í gómsætustu óperu tónlistarsögunnar! Kokkurinn knái úr Hinu Blómlega búi, Árni Ólafur Jónsson er sérlegur aðstoðarkokkur frú Child.  Hver veit nema áhorfendur fái að smakka á afrakstrinum að bakstri loknum?Súkkulaðikökuóperan tekur um 20 mínútur í flutningi og er sungin á ensku.Súkkulaðikökuóperan hentar einstaklega vel til að brjóta upp daginn í fyrirtækinu, hafið samband við að fá frekari upplýsingar! 

Gamanóperan Þrymskviða eftir Jón Ásgeirsson verður flutt í Norðurljósasal Hörpu 26. og 27. október 2018. Þór uppgötvar að hamar hans Mjölnir er horfinn! Þrymur þursadrottinn hefur rænt honum og heimtar Freyju í lausnargjald. Hún er ófáanleg til þess að fórna sér fyrir hamarinn svo Þór fer í kvenmannsgerfi til Jötunheima að endurheimta vopn sitt í fylgd Loka Laufeyjarsonar.FlytjendurÞór – Guðmundur Karl Eiríksson Þrymur – Keith ReedFreyja – Margrét Hrafnsdóttir Gríma – Agnes ÞorsteinsdóttirHeimdallur – Þorsteinn Freyr SigurðssonLoki – Eyjólfur Eyjólfsson 1. ás – Gunnar Björn Jónsson2. ás – Björn Þór GuðmundssonÆsir og þursar –  HáskólakórinnSinfóníuhljómsveit unga fólksinsStjórnandi: Gunnsteinn ÓlafssonLeikstjóri: Bjarni Thor KristinssonUppfærslan er í tilefni af 90 ára afmæli Jóns Ásgeirssonar og 100 ára fullveldi Íslands. Þrymskviða er fyrsta íslenska óperan, frumflutt árið 1974.Miðasala fer fram hjá miðasölu Hörpu og hér                                                                                Miðaverð: 3.500 kr. Nemendur 25 ára og yngri, eldri borgarar og öryrkjar kr. 2.500.

Krílasöngur fyrir þriggja mánaða til eins árs.  Við syngjum og dönsum saman og hlustum á tónlist. Nánd og snerting styrkir tengslamyndun milli foreldris og barns og sönggleðin styrkist. Rannsóknir sýna meðal annars að tónlist örvar hreyfi- og tilfinningaþroska barna. Tónlistarstundirnar örva öll skynsvið krílanna og þau njóta þess að vera með öðrum börnum og hinum fullorðnu. Börnin skynja stemmninguna sem skapast og upplifa gleðina í umhverfinu. Krílasöngur er fyrir öll lítil kríli og fyrir þitt barn er þín rödd fegurst!Ókeypis aðgangur

Þriggja daga masterklass með Gittu-Mariu Sjöberg sópransöngkonu og formanni Birgit Nilsson félagsins í Svíþjóð fer fram dagana 31.10, 1.11. og 2.11, kl 10:00 – 13:00 og 14:00 – 16:00.Námskeiðið hentar langt komnum nemendum og atvinnusöngvurum. Á hverjum degi byrjar hún á léttri upphitun og æfingum með söngvurunum. Gerrit Schuil leikur undir á píanó.Þátttökugjald er aðeins 20.000 kr á hvern þátttakanda, niðurgreitt af Óperudögum.Skráning er til 10. október á operudagar@operudagar.is en aðeins átta söngvarar komast að. Námskeiðinu lýkur með tónleikum í Listasafni Sigurjóns Ólafssonar þar sem þátttakendur koma fram ásamt Gittu-Mariu.Námskeiðið er opið áheyrendum og er aðgangur ókeypis.31. október: Norræna húsið1. nóvember: Listasafn Sigurjóns Ólafssonar2. nóvember: Listasafn Sigurjóns ÓlafssonarGitta-Maria Sjöberg sópransöngkona hefur átt farsælan feril víða um heim. Hún syngur bæði lýrísk og dramatísk óperuhlutverk en hún hefur sungið hlutverk eins og Tosca, Madame Butterfly, Mimi, Desdemona, Amelia, Leonora, Arabella, Sieglinde, Brangaene, Rusalka, Katarina Ismailova, Kostelnicka og Emilia Marty.Túlkun Gittu-Mariu á hlutverkum Emiliu Marty í Vec Makropulos og Kostelnicku í Jenufa eftir Janacek sem og hlutverki móðurinnar í heimsfrumflutningi óperunnar Silent Zone eftir Louise Alenius hafa hlotið sérstaklega mikið lof. Uppfærsla Vec Makropulos á Janacek festivalinu í Brno hlaut verðlaunin Besta óperusýning ársins í Tékklandi 2014.Gitta-Maria hefur einnig komið fram á tónleikum um alla Evrópu, í Rússlandi og Japan og hún sýnir mismunandi tónlistarstílum, hvort sem það eru sönglög eftir Schubert, þjóðlög eða jazzballöður, sömu orku og alúð. Gitta-Maria er listrænn stjórnandi tónlistarhátíðarinnar Nordic Song Festival sem hún stofnaði sumarið 2014 út frá áhuga sínum á ljóðasöng og naut hátíðin mikillar velgengni strax frá upphafi. Á dagskrá hátíðarinnar eru masterklassar, tónleikar og listræn rannsóknarverkefni. Hátíðin hefur vaxið og blómstrað og verður haldin 9. – 17. ágúst 2019 í Trollhättan, Svíþjóð.Vorið 2019 kemur út ný plata þar sem Gitta-María flytur rússnesk og dönsk lög ásamt píanistanum Polinu Fradkinu. Aðrar plötur sem Gitta-Maria hefur sungið inn á eru meðal annars “Verdi & Puccini Arias”, “Nordic Trio: Nordic Folk Songs and Ballads”, “15 Söngvar eftir Gustaf Fröding” og jólaplatan “Nordic Winter - Christmas Songs”.Gitta-Maria hefur hlotið fjölda verðlauna, m.a. Birgit Nilsson verðlaunin, en síðan 2013 hefur hún sinnt störfum sem stjórnarformaður Birgit Nilsson-félagsins í Svíþjóð.Margrét II Danadrottning sæmdi hana stórkrossi Dannebrogs-orðunnar árið 2004.http://www.gittamaria.com http://www.facebook.com/gittamaria.sjoberghttp://nordicsongfestival.com

Í haust verða söngnemendur Listaháskóla Íslands með sex hádegistónleika á Kjarvalsstöðum. Þá er verið að endurtaka leikinn frá því í fyrra sem tókst vel til. Á tónleikunum koma nemendur fram ásamt meðleikurum sínum og verður mismunandi þema á þeim öllum. Þann 24 október er alþjóðlegur baráttudagur kvenna og því hentar vel að á tónleikum dagsins verða einungis sungin verk eftir kventónskáld. Tónleikarnir verða á Kjarvalsstöðum og hefjast kl 12:15. Þeir standa í um það bil klukkustund.Ókeypis aðgangur

Herdís Anna Jónasdóttir sópran og Eva Þyri Hilmarsdóttir píanóleikari flytja tónlist úr ýmsum áttum, meðal annars eftir Debussy, Kurt Weill, Gershwin og afmælisbarn ársins Leonard Bernstein.Miðasala fer fram á Tix.is

Ástríður Alda og Bjarni Thor kíkja í gamlar tónleikaskrár og setja saman efnisskrá úr vel völdum aríum og lögum sem þau hafa áður flutt á tónleikum.Bjarna Thor þarf vart að kynna fyrir íslenskum tónlistarunnendum en hann hefur átt mikilli velgengni að fagna á erlendum óperusviðum. Hann hóf söngferil sinn í Vín og eftir að hafa starfað þar fastráðinn, syngur hann í lausamennsku við mörg stærstu óperuhús Evrópu, m.a. Berlín, París, Feneyjar, Verona, Róm, Lissabon, Barcelona, Amsterdam, Hamborg og München.Eftir tónleikana gefst tónleikagestum kostur á að hlýða á stutt spjall við Bjarna þar sem fulltrúi Óperudaga forvitnast um nýjasta ævintýri hans í Kassel og hægt verður að spyrja hann spjörunum úr.Miðar fást á tix.is

Söngvar og dansar dauðans er ljóðaflokkur saminn af Modest Mussorgsky á áratugnum 1870-80 við ljóð Arseny Golenishchev-Kutuzov. Dauðinn spilar veigamikið hlutverk í öllum lögunum, þau lýsa á ljóðrænan hátt raunveruleika 20.aldar Rússland: ungbarnadauða, dauða á yngri árum, drykkfelld ævintýri og stríði. Söngvar farandmannsins er ljóðaflokkur saminn af Gustav Mahler við sinn eigin texta á árunum 1884-5. Mahler samdi flokkinn eftir misheppnaða ást á sópran söngkonunni Jóhanna Richter, en þau kynntust í Þýskalandi á meðan hann stjórnaði þar. Lögin lýsa eigin tilfinningareynslu tónskáldsins.Miðasala hér

Fyrsta málþing Óperudaga verður haldið í Norræna húsinu dagana 29. og 30. október frá klukkan 10:00 - 15:00. Á hátíðinni í ár er boðið upp á nokkrar norrænar sýningar og á málþinginu gefst sjálfstæðum, norrænum óperu-/leikfélögum og listamönnum tækifæri til að bera saman bækur sínar og ræða um framtíð norrænu óperusenunnar. Hvert félag kynnir sig og sína starfsemi og í kjölfarið verða svo pallborðsumræður. Þátttaka er ókeypis og öllum opin.

Aðgangur ókeypis á meðan húsrúm leyfir.Í tilefni aldarafmælis stórsöngkonunnar Birgit Nilsson verður haldinn fyrirlestur í Norræna húsinu þar sem Gitta-Maria Sjöberg, stjórnarformaður Birgit Nilsson félagsins í Svíþjóð, mun segja frá lífi hennar og glæstum starfsferli. Birgit Nilsson var fædd í Svíþjóð þann 17. maí 1918. Hún varð ein þekktasta sópransöngkona fyrr og síðar og þá helst fyrir flutning sinn á sópranhlutverkum í óperum Strauss og Wagners. Hún þykir hafa búið yfir einstaklega miklum raddstyrk en einnig tærum og fallegum háum tónum. Hún kom fram á öllum helstu óperusviðum heims, hlaut fjölda verðlauna og viðurkenninga og eftir hana liggja fjölmargar upptökur á óperum eftir Puccini, Strauss, Verdi og Wagner.Gitta-Maria Sjöberg er sænsk sópransöngkona sem hefur átt alþjóðlegri velgengni að fagna á óperusviðinu og með tónleikaflutningi. Hún hefur sungið mörg af stórhlutverkum óperubókmenntanna eins og Madama Butterfly, Toscu, Desdemonu og Arabellu og hlotið ýmsar viðurkenningar, m.a. Birgit Nilsson verðlaunin en árið 2004 var hún sæmd stórkrossi Dannebrogs-orðunnar af Margréti II Danadrottningu. Árið 2014 stofnaði hún tónlistarhátíðina Nordic Song Festival sem haldin er árlega við góðan orðstír.

Syngjum saman er opnunarviðburður Óperudaga í Reykjvík 2018. Öllum kórum í Reykjavík og nágrenni og almenningi er boðið að syngja saman nokkur vel valin lög sem allir kunna og þar með hefja hátíðina undir stjórn Jóns Svafars Jósefssonar. Söngurinn hefst stundvíslega klukkan 14:00 og stendur í um 20 mínútur.

Skelltu þér í sund og sjáðu hvað gerist á óperueyju í Árbæjarlaug og Sundhöllinni á Óperudögum í Reykjavík

Óperudagar í Reykjavík hefjast laugardaginn 20. október og í tilefni þess verður Kattadúettinn frægi eftir Rossini fluttur nokkrum sinnum á opnunardeginum. Það er tilvalið að koma beint af opnunarviðburði Óperudaga í Reykjavík í Hallgrímskirkju (Syngjum saman) og setjast niður með ljúffengan kaffibolla og gotterí, klappa kisum og hlusta á þennan kómíska dúett á huggulega kisukaffihúsinu í Bergstaðastæti.

Hannesarholt hlúir að söngarfinum með því að standa fyrir samsöng einu sinni til tvisar í mánuði. Ingólfur Steinsson leiðir samsönginn sunnudaginn 21.okt. kl.14. Frítt fyrir börn í fylgd með fullorðnum sem greiða 1000 krónur.Ingólfur hefur lagt stund á tónlist frá unga aldri. Hann er einkum þekktur fyrir starf sitt í söngsveitinni Þokkabót en hefur einnig á síðari árum gefið út plötur og bækur á eigin vegum. Ingólfur stóð ásamt systkinum sínum, börnum Arnþrúðar og Steins í Tungu, tvívegis fyrir kvöldvöku í Hannesarholti í fyrra undir heitinu Tungu mál. Þar rifjuðu þau upp æskuárin á Seyðisfirði í tali og tónum.

Söngvarinn stígur fram tilbúinn að leggja allt í sölurnar. Hvernig verða viðtökurnar?Hvað er fyrirsöngur? Hvernig fer hann fram? Hvað getur gerst?  OPEN CALL eða opinn fyrirsöngur er maraþongjörningur þar sem íslenskir klassískt menntaðir söngvarar syngja fyrir íslensku þjóðina í Hafnarhúsi Listasafns Reykjavíkur frá klukkan 11: 00 til 22:00 fimmtudaginn 1. nóvember. Gestir og gangandi geta komið við og verið eins og fluga á vegg og fylgst með því sem þar fer fram. Unnið verður með hugmyndina um fyrirsöng og um leið sýnt fram á hversu marga frábæra söngvara við Íslendingar eigum. Hvers vegna þekkjum við ekki betur til þeirra? Ókeypis aðgangur

Schola cantorum, kammerkór Hallgrímskirkju, heldur tónleika í Hallgrímskirkju sunnudaginn 4. nóvember á Allra heilagra messu, líkt og undanfarin ár. Að þessu sinni flytur kórinn þrjú áhrifamikil kórverk, Media vita eftir John Sheppard, Miserere eftir James MacMillan og Missa defunctorum eftir Kjell Mörk Karlsen. Stjórnandi er Hörður Áskelsson. Tónleikar Schola cantorum á Allra sálna messu undanfarin ár, þegar látinna er minnst, hafa notið mikilla vinsælda í kertum prýddri kirkjunni, þ.s. a cappella söngur kórsins nýtur sín einkar vel í hljómburði kirkjunnar.Endurreisnartónskáldið John Sheppard (d. 1558) var uppi á Englandi á fyrri hluta 16. aldar. Hann skrifaði mikið af fjölradda kirkjutónlist. Eitt þekktasta verk hans er Media vita, 6 radda kórverk, sem er tvinnað í kring um gregorgst andstef við lofsöng Símeons, Nunc dimittis, “Nú lætur þú Drottinn, þjón þinn í friði fara”.Skoska tónskáldið James MacMillan (f. 1959) hefur skipað sér sess sem einn fremsti höfundur kirkjulegrar kórtónlistar nú á dögum. Kórverkið Miserere frá 2009 fyrir 4-8 radda kór án undirleiks, er í senn aðgengilegt og krefjandi bæði fyrir flytjendur og áheyrendur. Texti verksins er 51. Davíðssálmur, um miðbik verksins hljóma 4 vers tónsett við sama stef og hið margfræga Miserere eftir Allegri byggir á. Norska tónskáldið Kjell Mörk Karlsen (f. 1947) skrifaði Sálumessu fyrir kór án undirleiks til minningar um eiginkonu sína og var frumflutt fyrir þremur árum. Schola cantorum flutti verkið á allra sálnamessu 2016, hrifningin á verkinu kallaði á annan flutning í ár. Tónleikar þessir voru fyrirhugaðir á Allra sálna messu í fyrra, en fella þurfti tónleikana niður vegna óveðurs í Reykjavík.Schola cantorum hefur hlotið margvíslegar viðurkenningar og mikið lof fyrir söng sinn bæði hérlendis sem erlendis. Kórinn var m.a. valinn "Tónlistarflytjandi árins" á Íslensku tónlistarverðlaununum í mars 2017.

Hannesarholt hlúir að söngarfinum með því að bjóða uppá samsöngsstund á tveggja vikna fresti. Frítt fyrir börn í fylgd með fullorðnum sem greiða 1000 króna aðgangseyri.Sunnudaginn 4.nóvember leiðir sönginn 17 manna blandaður kór, sem nefnist Góðir grannar, og hefur starfað saman í 20 ár. Kórfélagar hafa allir mikla reynslu af söng á ýmsum vettvangi, t.d. hafa þeir flestir sungið með Kór Langholtskirkju á árum áður. Kórinn heldur að jafnaði tvenna tónleika árlega, á aðventu og að vori og kemur einnig fram við ýmis önnur tækifæri. Efnisskrá er fjölbreytt, innlend og erlend lög, gömul og ný og oftast flutt án undirleiks. Stjórnandi kórsins er Egill Gunnarsson.Góðir grannar munu syngja íslensk ættjarðarlög og aðrar kórperlur með gestum, sem taka undir hvort sem er í röddum eða einradda, eftir því sem hverjum og einum hentar.Veitingastaðurinn í Hannesarholti er opinn frá 11.30-17 á sunnudögum og býður upp á helgardögurð, kaffi og heimabakað bakkelsi.