„NEINEINEI.  Á looooka sekúndum fyrri hálfleiks jafna andstæðingarnir hér með skallamarki eftir aukaspyrnu... og mér er reyndar alveg sama hver það var... þol ́ann ekki... sá ekkert hver það var, og þolann ekki!  Ljótasta mark sem ég hef séð…...og í sömu andrá er búið að flauta til leikhlés. Staðan er eitt-eitt í leikhléi.Við vinnum, bara í seinnihálfleik. Þetta er ekkert flókið. “Hvað á fótbolti sameiginlegt með óperu?Fólk fær útrás jafnt í gegnum tónlist sem og íþróttir, og í báðum tilfellum kemur þessi útrás m.a. í ljós með allskonar hljóðum: köllum, söng, trommuslætti, fagnaðarlátum. Tónlist nýtur sín oft vel þegar hún fjallar um hreina og skýra tilfinningu og í fótbolta er ávallt skýr stefna, skýrt markmið: Allt eða ekkert. Sigur! Og ástríðan fyrir því markmiði. Á léttan og stundum húmorískan hátt skoðar FótboltaÓperan punktana þar sem þessir tveir heimar mætast: eftirvæntinguna, spennuna, gleðina jafnt sem og vonbrigðin. 

Krakkaganga er óperuganga fyrir krakka, 12 ára og yngri, og foreldra/forráðamenn. Hún hefst fyrir utan Gerðarsafn en þaðan verður hópurinn leiddur á milli staða í hjarta Kópavogs. Búast má við ýmsum uppákomum þar sem persónur úr óperubókmenntunum koma við sögu. Krakkagangan tekur rétt rúmlega klukkutíma.Ókeypis er inn á alla viðburði nema hádegistónleikana en vegna takmarkaðs miðaframboðs er mælt með að áhugasamir tryggi sér miða með því að senda tölvupóst á operudagar@operudagar.is ásamt nafni, síma og fjölda miða sem óskað er eftir. Öllum er velkomið að mæta á staðinn án þess að hafa pantað miða en þá er ekki hægt að tryggja að enn séu til lausir miðar. 

Það er hægara sagt en gert að vera sáttur við sjálfan sig, jafnvel þó að maður sé selur. Aron er að undirbúa fullkomið matarboð fyrir Elísabetu, unnustu sína. Þau eiga íbúð í blokk með glæsilegu útsýni yfir Kópavoginn. Í stigaganginum hjá þeim er fáklæddur maður að lesa Fréttablaðið. Selshamur er til þerris á ofni. Þetta er aðkomumaður og hugsanlega ekki maður. Aron er formaður húsfélagsins og getur ekki liðið kæruleysislega umgengni í blokkinni en Elísabet er á öðru máli og býður hinni ókunnugu veru inn á heimilið. Selshamurinn er nýtt og kómískt íslenskt óperuhandrit eftir Árna Kristjánsson og í tónlistarstjórn Matthildar Önnu Gísladóttur. Fluttar verða þekktar aríur og söngvar úr verkum á borð við Brúðkaup Fígarós, La Traviata og Hollendinginn fljúgandi.

Angistir hjarta míns eru svo margar að ég veit ekki hver þeirra er verst. George Frideric Händel (1685-1759) samdi ógrynni af tónlist og sérlega margar óperur, óratoríur og kantötur. Persónurnar í verkunum lenda oft í alveg hrikalegum aðstæðum eins og ofangreint textabrot úr kantötunni Mi palpita il cor gefur til kynna en hún verður flutt í heild sinni á tónleikunum. Þá verður einnig boðið upp á hrikalega flottar aríur og einn (hrikalega) dramatískan dúett.Frá 1.- 5. júní verða haldnir hádegistónleikar í Salnum frá klukkan 12:15 til 12:50. Þátttakendur á Óperudögum í Kópavogi koma fram og flytja tónlist úr ýmsum áttum.

Lokatónleikar Óperudaga í Kópavogi verða haldnir í Salnum, Kópavogi. Þar verður flutt brot af því besta af hátíðinni og fólk hvatt til að fjölmenna. Meðal verka sem flutt verða má nefna Kaffikantötuna eftir J. S. Bach í íslenskri þýðingu, FótboltaÓperu eftir Helga R. Ingvarsson og brot úr sýningunum Selshamurinn og Poppea Remixed.Ókeypis er inn á alla viðburði nema hádegistónleikana en vegna takmarkaðs miðaframboðs er mælt með að áhugasamir tryggi sér miða með því að senda tölvupóst á operudagar@operudagar.is ásamt nafni, síma og fjölda miða sem óskað er eftir. Öllum er velkomið að mæta á staðinn án þess að hafa pantað miða en þá er ekki hægt að tryggja að enn séu til lausir miðar. 

Dagskrá þessara hádegistónleika þeirra Arons Axels og Hrannar blandar saman ljóðum og aríum. Fyrst munu þau flytja rómantísku aríu Riccardo úr I puritani eftir Vincenzo Bellini, þar næst gamansömu aríu Belcore úr Ástardrykknum eftir Gaetano Donizetti og að lokum hinn undurfagra op.32 ljóðaflokk eftir Johannes Brahms. Njótið þið vel!Frá 1.- 5. júní verða haldnir hádegistónleikar í Salnum á hverjum degi frá klukkan 12:15 til 12:50. Þátttakendur á Óperudögum í Kópavogi koma fram og flytja tónlist úr ýmsum áttum.Aron Axel Cortes, barítón Hrönn Þráinsdóttir, píanó

Á Kabarettkvöldi Óperudaga verður rými fyrir söngvara til að láta ljós sitt skína. Sviðið verður opið, píanistinn klár og þeir sem vilja troða upp og flytja kabarettlög og aðra létta tónlist eru hjartanlega velkomnir. Bara að muna að koma með nóturnar með sér! Garðskálinn verður opinn og þar verður hægt að panta drykki og létt snarl. Er ekki tilvalið að skella sér á Kabarettkvöld, hlýða á ljúfa tóna og dreypa á rauðvínstári um leið? Ókeypis er inn á alla viðburði Óperudaga nema hádegistónleikana en vegna takmarkaðs miðaframboðs er mælt með að áhugasamir tryggi sér miða með því að senda tölvupóst á operudagar@operudagar.is ásamt nafni, síma og fjölda miða sem óskað er eftir. Öllum er velkomið að mæta á staðinn án þess að hafa pantað miða en þá er ekki hægt að tryggja að enn séu til lausir miðar. 

Poppea Remixed byggir á óperunni Krýning Poppeu (L’incoronazione die Poppea) eftir ítalska tónskáldið Claudio Monteverdi en hún er ein af elstu óperum óperusögunnar. Hún var frumsýnd árið 1643 í Feneyjum á Ítalíu og er enn þann dag í dag sýnd reglulega í öllum helstu óperuhúsum heims. Sögusviðið er Róm árið 60 og sagan byggir á sannsögulegum atburðum. Í Poppea Remixed einbeitum við okkur að aðalpersónunum þremur í óperunni; hinum harðbrjósta keisara Neró, konu hans Ottavíu og hjákonu Nerós, hinni kynþokkafullu Poppeu. Neró vill gera Poppeu að keisaraynju og í sameiningu niðurlægja þau Ottaviu sem að lokum er rekin burt frá Róm. Í aríunni frægu, Addio Roma, má heyra þegar Ottavia kveður borgina sína. Samband Nerós og Poppeu byggist á valdagræðgi og losta og er eitt rosalegasta ástarsamband óperubókmenntanna. Á milli óperusena leikur hollenska poppdúóið Sommerhus eigin lög svo úr verður nýtstárlegt samtal milli popp- og óperutónlistarinnar þar sem hið gamla mætir hinu nýja.

Á stofutónleikum þann 1. júní munu Anna Vala Ólafsdóttir, alt og Guðrún Dalía Salómonsdóttir, píanóleikari, flytja sönglög eftir Tchaikovsky, Brahms og Debussy. Rómantíkin verður við völd í bland við glettni og dulúð og munu ýmsar persónur koma við sögu, þar á meðal strákastelpan Mignon og forngríska fylgdardaman Bilitis.Aðgangur er ókeypis en vegna takmarkaðs miðaframboðs er mælt með að áhugasamir tryggi sér miða með því að senda tölvupóst á operudagar@operudagar.is ásamt nafni, síma og fjölda miða sem óskað er eftir. Þeir sem panta miða fá þá sendar upplýsingar um staðsetningu stofutónleikanna um hæl.

Í spjalli og spurningum segja nokkrir söngvarar frá reynslu sinni af framhaldsnámi erlendis. Þar gefst söngnemum sem stefna á frekara söngnám erlendis kostur á að kynna sér reynslu annarra og spyrja þá spjörunum úr. Stuttar kynningar verða á námi og skólum í meðal annars Englandi, Þýskalandi, Hollandi, Ítalíu og Austurríki. Aðgangur er ókeypis.

Magnús Hallur og Bjarni Frímann flytja 5 gömul Bandarísk þjóðlög í útsetningu Aaron Copland. Lögin gefa smjörþefinn af Bandarískri þjóðlaga hefð, allt frá Quaker sálmi tíl bull barnavísu. Einnig á dagskrá eru þrjú velþekkt ljóð eftir Franz Schubert um súrsæta ást: misheppnuð viðreynsla, óendurgoldna ást og liðið samband. Hugo Wolf slær svo botninum í tónleikana með tveimur "wanderer" ljóðum og skemmtilegt lag um gangrýnanda sem kemur óboðinn í heimsókn og fær svo það sem hann á skilið. Aaron Copland (1900-1990) - Old American Songs 1. The Boatman's Dance 2. The Dodger 3. Long Time Ago 4. Simple Gifts 5. I Bought Me a Cat Franz Schubert (1797-1828) Heidenröslein Die Forelle Im Frühling Hugo Wolf (1860-1903) Fußreise Der Musikant AbschiedFrá 1.- 5. júní verða haldnir hádegistónleikar í Salnum frá klukkan 12:15 til 12:50. Þátttakendur á Óperudögum í Kópavogi koma fram og flytja tónlist úr ýmsum áttum.Magnús Hallur Jónsson, tenórBjarni Frímann Bjarnason, píanó

Kristin Sigmundsson þarf vart að kynna enda einn ástsælasti óperusöngvari þjóðarinnar. Á Óperudögum í Kópavogi mun hann halda tveggja daga námskeið fyrir unga söngvara í Salnum og verður það öllum opið. Þátttakendur á Óperudögum í Kópavogi undirbúa verk til að flytja og munu njóta leiðsagnar hans fimmtudaginn 2. júní og föstudaginn 3. júní.Leiðsögn Kristins hefst kl. 9.30 og stendur til 11.30 en síðan er tekið hlé vegna hádegistónleika á vegum hátíðarinnar. Frá 13-15 heldur Kristinn svo áfram að leiðbeina söngvurum.

Hollenska popp-dúóið Sommerhus leikur melódísk og hugljúf lög í Garðskálanum að kvöldi fyrsta dags Óperudaga í Kópavogi. Þar verður hægt að setjast niður, spjalla um viðburði dagsins, hlýða á ljúfa tóna - og fá sér létta hressingu og drykki.

Tvennir stofutónleikar verða haldnir á Óperudögum í Kópavogi í heimahúsi í bænum. Vinsamlegast sendið póst á operudagar@operudagar.is til að tryggja ykkur miða. Takmarkað framboð! Þær Elísabet Einarsdóttir, sópran og Sólborg Valdimarsdóttir píanóleikari munu bjóða upp á magnað ferðalag heima í stofu í gegnum óperuaríur frá Þýskalandi, Frakklandi og Ítalíu. Aríurnar einkennast af miklum blæbrigðum milli verkanna, bæði söngkonan og píanóleikarinn fá að njóta sín í öllum fjölbreytileikanum.Ókeypis er inn á alla viðburði nema hádegistónleikana en vegna takmarkaðs miðaframboðs er mælt með að áhugasamir tryggi sér miða með því að senda tölvupóst á operudagar@operudagar.is ásamt nafni, síma og fjölda miða sem óskað er eftir. Öllum er velkomið að mæta á staðinn án þess að hafa pantað miða en þá er ekki hægt að tryggja að enn séu til lausir miðar. 

Óperudagar í Kópavogi hefjast 28. maí með frumflutningi FótboltaÓperunnar í Salnum á fjölskyldustund Menningarhúsa Kópavogs. FótboltaÓperan er eftir Helga R. Ingvarsson en sex einsöngvarar, fimmtán börn úr Skólakór Kársness ásamt trommuleikara flytja óperuna sem er um tíu mínútur að lengd. Að því loknu verður börnum boðið að skoða leynda kima Salarins og kynnast undirbúningi hjá söngvurum áður en þeir stíga á svið. Á túninu verða fótboltamörk og ýmsar uppákomur í boði sem tengjast fótboltaíþróttinni og komandi EM keppni. Aðgangur er ókeypis og allir velkomnir meðan húsrúm leyfir.

Rannveig Káradóttir, sópran, og Birna Hallgrímsdóttir,  píanóleikari, eru báðar útskrifaðar með Mastersgráðu frá Royal College of Music í London auk þess að vera frænkur í sjötta lið frá Páli Jónssyni frá Ströndum. Árið 2011 héldu þær tíu tónleika um landið með íslenskum lögum innblásnum af náttúrunni. Nú í maí létu þær fimm ára gamlan draum rætast og tóku þetta prógram upp á geisladisk. Diskurinn kallast Krot - íslensk sönglög af plötunni sem eru um fugla og fjöruna auk þriggja erlendra laga um svaninn. Fallegar fuglamyndir eftir Eddu Heiðrúnu Backmann munu prýða sviðið en hún málaði einnig forsíðumyndina fyrir Krot. Gaman er að segja frá því að á disknum er nýtt lag, Vetrarþoka, sem var sérstaklega samið fyrir stelpurnar af Árna Kristjánssyni sem leikstýrir Selshaminum og Helga Rafni Ingólfssyni, sem samdi Fótboltaóperuna góðu en þessi verk eru bæði flutt á Óperudögum í Kópavogi.Frá 1.- 5. júní verða haldnir hádegistónleikar í Salnum eða Leikfélagi Kópavogs á hverjum degi frá klukkan 12:15 til 12:50. Þátttakendur á Óperudögum í Kópavogi koma fram og flytja tónlist úr ýmsum áttum.Rannveig Káradóttir, sópranBirna Hallgrímsdóttir, píanó

Lísa getur ekki hætt að drekka kaffi og gerir pabba sinn gráhærðan með stanslausri kaffidrykkju. Íbúar Kópavogs gætu orðið varir við þau feðgin á förnum vegi á Óperudögum í Kópavogi.Kaffikantatan eftir J.S.Bach var samin í kringum árið 1732 og hefur notið mikilla vinsælda æ síðan. Evrópubúar komust upp á lagið með að drekka kaffi í lok 17. aldar og hafa ætíð síðan verið veikir fyrir því - ekki að ástæðulausu!Kaffikantatan er tilvalin til flutnings á kaffistofum bæjarins - fyrirtæki eru hvött til að hafa samband til að fá feðginin í heimsókn!„Óþekktin þín!Þú stelpuskjáta! Æ! Hvenær ferð' að haga þér? Og hætt' í kaffinu, svei mér?“

Áhorfendur í Óperugöngunni verða leiddir um hjarta Kópavogs og mega búast við alls kyns uppákomum meðan á henni stendur. Ekki verður nákvæmlega gefið upp hvað þar mun eiga sér stað en gestir eru hvattir til að koma í þægilegum skóm - þótt gangan verði að vísu ekki mjög löng! Óperugangan tekur rúmlega einn og hálfan klukkutíma.Krakkagangan er eins og Óperugangan, bara styttri og ætluð krökkum (og foreldrum), 12 ára og yngri. Hún tekur rúmlega klukkutíma. Ýmsar ævintýralegar persónur úr óperusögunni munu skjóta upp kollinum og kæta viðstadda með söng og leik.Ókeypis er inn á alla viðburði nema hádegistónleikana en vegna takmarkaðs miðaframboðs er mælt með að áhugasamir tryggi sér miða með því að senda tölvupóst á operudagar@operudagar.is ásamt nafni, síma og fjölda miða sem óskað er eftir. Öllum er velkomið að mæta á staðinn án þess að hafa pantað miða en þá er ekki hægt að tryggja að enn séu til lausir miðar. 

Þögla nótt, í þínum örmum þar er rótt og hvíld í hörmum, hvíldir öllum oss. Ljósar sumarnætur eru rauður þráður hádegistónleika Fjárlaganefndar. Elskendur sameinast undir sólbjörtum kvöldhimninum og klúrir endurreisnarmadrigalar endurspegla vel þá fundi. Í bjartri kyrrðinni upplifa ungir sem aldnir nánd við náttúruna sem hljómar í ákalli bænanna í kjölfarið. Svo er líka heilræðavísa þarna. Dagskránni lýkur svo á lofsöngvum til næturinnar, þess anda sem hún vekur í hjarta skáldsins og þeirri sátt sem svefninn veitir.Frá 1.- 5. júní verða haldnir hádegistónleikar í Salnum eða Leikfélagi Kópavogs á hverjum degi frá klukkan 12:15 til 12:50. Þátttakendur á Óperudögum í Kópavogi koma fram og flytja tónlist úr ýmsum áttum.Sönghópurinn Fjárlaganefndin kemur fram á tónleikunum þann 1. júní. Hægt er að tryggja sér miða á Karolina Fund

Fyrstu tónleikar hátíðarinnar verða í Salnum, Kópavogi þann 26. maí. Elísabet Einarsdóttir og Sólborg Valdimarsdóttir stíga á stokk og gefa okkur sýnishorn af því sem koma skal á hátíðinni sjálfri.Sólborg og Elísabet ætla að flytja magnað óperuprógram með ítölskum, þýskum og frönskum aríum. Þær einkennast af miklum blæbrigðum og söngkonan og píanóleikarinn fá að njóta sín í öllum fjölbreytileikanum.Wolfgang Amadeus Mozart (1756-1791)                                                                                                              Al destin che la minaccia úr Mitridate  Farnance langar að giftast Aspasiu en Aspasia óttast hann. Aspasia biður þá Sifare, bróður og óvin Farnace að vernda hana.G. Donizetti (1897-1848)                                                                                                                                    Regnava nel silenzio úr Lucia di Lammermoor.Í þessari frægu aríu segir Lucia Alisu þjónustustúlku sinni frá að hún hafi séð draug á þeim stað sem þær eru staddar. Hún telur að draugurinn sé stelpa sem drepin var af ættingja sínum frá Ravenswood. Ravenswood ættin og ættin hennar - Lammermoor hafa aldrei átt skap saman og hafa alltaf staðið í stöðugu stríði. Lucia segir þjónustustúlku sinni að ást hennar á Edgardo er sterkari en þessi váboði sem draugurinn er.J. Strauss (1825-1899)                                                                                                                                                                        Mein herr Marquis úr óperettunni Die Fledermaus Eisenstein er kynntur fyrir Adele, en hann er ekki viss um hver hún er því hún líkist svo þjónustustúlkunni hans. Hún hlær upphátt að þessu öllu saman. Þessi Marquis er fyndinn!A. Thomas (1811-1886)Oui, pour ce soir.. Je suis Titania la blonde úr MignonPhiline fer í annað hlutverk og leikur ”Titaniu, hina ljóshærðu”. Bara í kvöld þá er hún töfragyðja sem er umvafin fuglum, blómum, fiðrildum og birtu.G. Donizetti (1897-1848)Par le rang et par l’opulence úr óperunni La fille du regimentMarie er skilin eftir ein og yfirgefin. Elskhugi hennar er farinn í herinn. Þegar hún er næstum því búin að sætta sig við að vera ein, heyrir hún hertónlistina og verður svo glöð þegar hann kemur.

Þátttakendur á Óperudögum munu heimsækja nokkra skóla og félagsheimili eldri borgara í Kópavogi dagana 23. -27. maí til að kynna hátíðina fyrir áheyrendum.