Harmljóð Snæfellsjökuls

Harmljóð Snæfellsjökuls er ósviðsettur óperískur einleikur fyrir rödd, tölvu og flautu. Harmljóð Snæfellsjökuls er kveðja, hin hinsta kveðja. Jökullinn stígur fram og ávarpar mannkynið í síðasta sinn og notar tilvitnanir í hin ýmsu ritverk sér til stuðnings. Ritverkin eru Bárðar Saga Snæfellsáss, Snæfellsjökull eftir Steingrím Thorsteinsson, Tíminn og Vatnið eftir Stein Steinarr og Vefarinn mikli frá Kasmír eftir Halldór Kiljan Laxness.