Stephen Higgins stundaði nám við Oxford-háskóla, Guildhall School of Music and Drama og National Opera Studio í London. Hann hefur starfað sem hljómsveitarstjóri við fjölmörg af helstu óperuhúsum og tónlistarhátíðum Bretlands og víðar.

Á fyrstu árum starfsferils síns starfaði hann við tónlistardeildir Royal Opera House, Glyndebourne og English National Opera (ENO) og hefur komið að afar fjölbreyttu verkefnavali, allt frá Monteverdi, Mozart og Puccini til John Adams og Stephen Sondheim.

Stephen hefur stjórnað fjölda heimsfrumflutninga. Þar má nefna barnaóperuna The Way Back Home í Young Vic í leikstjórn Katie Mitchell, sem síðar var sett upp við Opéra national de Paris í Bastillunni; Dr Dee eftir Damon Albarn í leikstjórn Rufus Norris, sem hann stjórnaði bæði á Manchester International Festival og hjá ENO og var jafnframt hljóðrituð fyrir EMI; og The Duchess of Malfi eftir þýska tónskáldið Torsten Rasch, samstarfsverkefni ENO og leikhópsins Punchdrunk.

Stephen hefur jafnframt stjórnað fjölmörgum verkum hins hefðbundna óperurepertoars, meðal annars Owen Wingrave við Opéra national de Paris, Töfraflautunni hjá ENO, Ástardrykknum (L’elisir d’amore) hjá Opera Holland Park, Don Giovanni á Porto Festival og La bohème, Hans og Grétu og Töfraflautunni með Co-Opera Co.

Hann hefur einnig mikinn áhuga á tónlistarleikhúsi og vann með Stephen Sondheim að enduruppfærslum á A Little Night Music og Sunday in the Park with George í Théâtre du Châtelet í París. Þá hefur hann stjórnað The Phantom of the Opera í West End í London.

Stephen er eftirsóttur söngþjálfari og hefur starfað sem gestakórstjóri hjá fjölmörgum óperufélögum í Bretlandi. Hann kom einnig fram í BBC2-þáttunum Maestro at the Opera sem leiðbeinandi Josie Lawrence.

Meðal annarra verkefna hans eru heimsfrumflutningur á Between Worlds eftir Tansy Davies í Barbican Centre, Crazy for You eftir Gershwin við Gautaborgaróperuna og tónlistarstjórn leiksýninga við National Theatre í London og Théâtre La Criée í Marseille.

Frá janúar 2016 hefur Stephen gegnt stöðu tónlistarstjóra við Bergen Nasjonale Opera í Noregi. Þar hefur hann meðal annars stjórnað Hans og Grétu og Carmen auk þess að starfa með gestahljómsveitarstjórum við uppfærslur á Madama Butterfly, Il turco in Italia, Otello, Peter Grimes og Messíasi Händels.

Stephen starfar reglulega með unglistamannaverkefnum og óperunemendum við leiðandi tónlistarháskóla í Bretlandi og víðar.

Meðal annarra verkefna hans má nefna Thaïs eftir Massenet með Chelsea Opera Group, Candide og Carmen í Noregi og gerð nýrrar sviðsútgáfu af Fantasia eftir Disney fyrir Vaults Theatre í Waterloo.